"Aston Villa" bosh murabbiyi Unai Emeri Angliya chempionatining 28-turi doirasida "Vulverxempton"dan qabul qilingan mag‘lubiyatga (0:2) izoh berdi.
"Barcha futbolchilarni biz o‘tkazayotgan fantastik mavsum bilan tabriklayman. Biz charchagan edik va ochiq o‘yin ko‘rsatdik. Birinchi taym ajoyib o‘tdi — "Aston Villa" ustunlik qildi. Vaziyatlar yaratdik va ko‘prog‘iga loyiq edik. Ikkinchi bo‘limda esa raqiblar to‘pni tez-tez olib qo‘yishdi va jarima maydonimizga kirib borishdi. "Vulverxempton" gol urganidan keyin bizga qiyin bo‘ldi, raqib esa ancha faollashdi.
Hozir jipslashish va nima uchun bu yerda turganimizni tushunish vaqti keldi. Bugun biz xohlagan natijaga erisha olmadik, lekin turnir jadvalida yanada yuqoriroqqa ko‘tarilish hali ham o‘z qo‘limizda", — deya Emerining so‘zlarini keltiradi BBC.
"Vulverxempton" 3 yanvardan beri APLdagi ilk g‘alabasini qo‘lga kiritdi va 13 ochko bilan turnir jadvalida so‘nggi o‘rinni egallab turibdi. "Aston Villa" esa 51 ochko bilan 3-o‘rinda bormoqda.
