20 ёшли Нико О’Райли жорий мавсумда нима сабабдан "Манчестер Сити" учун муҳим футболчига айлангани ҳақида гапириб берди.
Ёш универсал футболчи мунтазам равишда "шаҳарликлар"нинг асосий таркибида майдонга тушмоқда. Сўнгги вақтларда ундан кўпроқ ярим ҳимоя чизиғида фойдаланилмоқда.
"Мен ярим ҳимоямизга бироз жисмоний куч қўшяпман ва яккама-якка курашларда ғолиб чиқяпман. Ўйлайманки, бу тўп билан аъло даражада муомала қиладиган ва темпни белгилаб берадиган жамоадошларимга жуда ёрдам беради. Менинг вазифам — марказда рақиб ҳужумларини бузиш ва тўпни ижодкор шерикларимдан бирига етказиб бериш. Мен айнан шунинг учун шу ердаман ва бу роль менга ёқади", — дея "City Xtra" О’Райлининг сўзларидан иқтибос келтиради.
Англиялик футболчи жорий мавсумда Хосеп Гвардиола жамоаси сафида 39 та ўйинда иштирок этиб, 6 та гол ва 5 та голли узатмага муаллифлик қилди.
