Англиялик собиқ ҳужумчи Уэйн Руни 2013 йилда, ўзи учун кутилмаганда ресторанда Диего Армандо Марадона билан қандай учрашиб қолгани ҳақида гапириб берди. Бу воқеа Чемпионлар лигаси плей-офф босқичи доирасидаги "Манчестер Юнайтед" учун омадсиз кечган Мадриднинг "Реал" клубига қарши ўйиндан сўнг содир бўлган.
"Манчестер Юнайтед" бошқарувидаги сўнгги мавсумини ўтказаётган Алекс Фергюсон ўшанда Рунини захира ўриндиғида қолдирган эди, бу эса ҳужумчини қаттиқ хафа қилган. Ана шундай шароитда, ўйиндан сўнг тушкунлик ва ғазабга тўлиб турган Руни кутилмаганда Марадонани учратиб қолган.
"Ўша ўйиндан кейин жуда дарғазаб эдим, биз аламли тарзда мусобақадан чиқиб кетгандик. Тинчланиш учун ресторанга кирдим ва у ерда "қотиб қолдим" — столда Диего Марадона ўтирарди. У мени ёнига чақирди ва тинчлантириш учун гапира бошлади. Кутилмаганда бўйнидаги бўйинбоғини (галстугини) ечиб, менга совға қилди. Бу ақл бовар қилмайдиган, лекин жуда гўзал ишора эди. Мен ўша бўйинбоғни ҳалигача авайлаб сақлайман", — дея Рунининг сўзларини келтиради "derbyderbyderby.it".
Эслатиб ўтамиз, Марадона 2020 йилда, Руни футболчи сифатидаги сўнгги мавсумини ўтказаётган вақтда вафот этган эди.
