"Астон Вилла" Англия чемпионатининг 28-турини мағлубият билан бошлади. Унаи Эмери шогирдлари "Вулверхэмптон"дан жавобсиз иккита гол ўтказиб юборишди ва эндиликда уларнинг Чемпионлар лигаси йўлланмаси учун бўлган умидлари жиддий шубҳа остида қолди.
Гап шундаки, АПЛнинг сўнгги тўққизта ўйинида "Астон Вилла" бор-йўғи 12 очко жамғарди. Бундай натижа чемпионатда жон сақлаб қолиш учун курашаётган клуб учун қониқарли бўлиши мумкин, аммо Европанинг энг нуфузли мусобақасига даъвогар жамоа учун эмас.
Жамоани олдинда жуда жиддий синовлар кутмоқда — чемпионатдаги навбатдаги рақиблар Лондоннинг "Челси" ва "Манчестер Юнайтед" клублари бўлади.
