"Манчестер Юнайтед" ярим ҳимоячиси Мэйсон Маунт Премьер-лиганинг бошқа клублари қизиқишлар доирасига тушди.
27 ёшли футболчи мунтазам равишда жароҳатлар билан боғлиқ муаммоларга дуч келмоқда, бу эса унинг жамоадаги келажагини сўроқ остида қолдирмоқда. "Football Insider" берган маълумотларга кўра, англиялик футболчини ўз сафига қўшиб олишга "Астон Вилла" ва "Фулхэм" клублари жиддий қизиқиш билдирмоқда. Шунга қарамай, агар "қизил иблислар" мавсум якунига кўра Чемпионлар лигаси йўлланмасини қўлга киритсалар, ярим ҳимоячини ёзда қўйиб юборишлари амримаҳол.
Айни дамда машҳур "Transfermarkt" порталида Мэйсон Маунтнинг баҳоси 32 миллион еврони ташкил этмоқда. Эслатиб ўтамиз, 2023 йилда "Манчестер Юнайтед" ушбу футболчини "Челси"дан деярли 68 миллион евро эвазига сотиб олган эди.













