"Кёльн" вингери Саид эль-Мала "Тоттенхэм"нинг асосий трансфер мақсадларидан бирига айланди. Журналист Экрем Конурнинг хабар беришича, "шпорлар" 19 ёшли футболчини қўлга киритиш бўйича ишларни бошлаб юборишган.
Бироқ, бу трансферни амалга ошириш осон бўлмайди. Чунки истиқболли германиялик футболчи учун курашда "Манчестер Сити", "Манчестер Юнайтед", "Челси", "Брайтон", "Барселона", "ПСЖ", "Бавария" ва Миланнинг "Интер" клублари ҳам иштирок этмоқда.
"Transfermarkt" порталининг баҳосига кўра, футболчининг нархи 40 миллион еврони ташкил этади. Унинг "Кёльн" билан амалдаги шартномаси 2030 йилгача мўлжалланган. Саид эль-Мала жорий мавсумда Бундеслиганинг 23 та учрашувида майдонга тушиб, 8 та гол ва 4 та голли узатмани ўз ҳисобига ёздириб қўйишга улгурди.
