Инсайдер Николо Скиранинг маълумотига кўра, «Арсенал» скаутлари ёш латералнинг қобилиятлари билан яқиндан танишиш мақсадида «Кальяри»нинг сўнгги ўйинларида иштирок этишган. Палестра ўзининг универсаллиги ва ҳужумдаги фаоллиги билан эътиборни тортмоқда.
«Transfermarkt» портали Марко Палестранинг бозор қийматини 25 миллион еврога баҳолаган бўлса-да, «Аталанта» раҳбарияти истиқболли футболчиси учун икки баравар кўп — 50 миллион евро сўрамоқда. Аввалроқ италиялик ҳимоячига Премьер-лиганинг бошқа грандлари ва А Сериянинг етакчи клублари томонидан ҳам қизиқиш борлиги ҳақида хабарлар тарқалган эди.
Жорий мавсумда Палестра «Кальяри» сафида барча турнирларда 25 та ўйинда майдонга тушиб, битта гол ва тўртта голли узатмага муаллифлик қилди.
