«Ноттингем Форест» марказий ҳимоячиси Мурилло Англия Премьер-лигасининг кўплаб клублари қизиқишлар доирасига тушди. Бу ҳақда «Teamtalk» журналистлари хабар бермоқда.
Манбанинг маълумотига кўра, бразилиялик футболчини ўз сафига қўшиб олишга Лондоннинг «Арсенал» ва «Челси» клублари жиддий қизиқиш билдирмоқда. Шунингдек, Муриллони ўз таркибида кўришни истаётганлар қаторида «Ливерпуль», «Тоттенхэм» ва «Манчестер Юнайтед» ҳам бор.
23 ёшли бразилияликнинг трансфер қиймати айни дамда 55 миллион еврога баҳоланмоқда. Ҳимоячи ва «ўрмончилар» ўртасидаги амалдаги шартнома 2029 йилнинг июнь ойи охиригача амал қилади.
Жорий АПЛ мавсумида Мурилло 19 та учрашувда майдонга тушиб, битта гол уришга муваффақ бўлди.
