«Ливерпуль» жамоасининг бразилиялик посбони Алиссон Бекернинг келажаги борасида янги маълумотлар пайдо бўлди.
«Football Insider» нашрининг таъкидлашича, «Ювентус» томонидан қизиқишлар бўлаётгани ҳақидаги хабарларга қарамай, «Ливерпуль» ёзги трансфер ойнасида Алиссон билан хайрлашишни режалаштирмаяпти. Бразилия терма жамоасининг 33 ёшли аъзоси трансферга қўйилмаган, чунки «Ливерпуль» ўзининг асосий дарвозабонини «Энфилд»да олиб қолиш ниятида қатъий турибди.
Алиссон 2018 йилдан бери «Ливерпуль» шарафини ҳимоя қилиб келмоқда. Жорий мавсумда у барча турнирлар доирасида 29 та ўйинда майдонга тушиб, ўз дарвозасидан 30 та тўп олиб чиқди ва 12 та баҳсда дарвозаси дахлсизлигини сақлаб қолди. Футболчининг мерсисайдликлар билан амалдаги шартномаси 2027 йилнинг ёзига қадар мўлжалланган.
