"Барселона" ўз майдонида Испания чемпионатининг 26-тури доирасида "Вильярреал"ни йирик ҳисобда мағлуб этди — 4:1.

Мезбонлар сафида Ламин Ямал учта гол уриб, ўз фаолиятидаги илк хет-трикни расмийлаштирди. Яна бир гол Роберт Левандовски ҳисобига ёзилди. Меҳмонлардан эса Папе Гуйе гол уришга муваффақ бўлди.

Каталонияликлар Ханси Флик бошқаруви остидаги 100-учрашувини ўтказишди.

"Кўк-анорранглилар" 64 очко жамғариб, Ла Лига турнир жадвалида пешқадамлик қилишмоқда. Битта захира ўйинига эга бўлган "Реал" билан орадаги фарқ тўрт очкони ташкил этади. "Вильярреал" эса 51 очко билан учинчи поғонада жойлашган.

Ла Лига. 26-тур
28.02.2026 | 20:15
«Камп Ноу», Барселона

«БАРСЕЛОНА» — «ВИЛЬЯРРЕАЛ» — 4:1 (LIVE)
Голлар: Ямал 28 (1:0), Ямал 37 (2:0), Гуйе 49 (2:1), Ямал 69 (3:1), Левандовски 90 (4:1).

«Барселона»: Х. Гарсия, Бальде, Э. Гарсия, Кубарси, Кунде, Ольмо (Педри, 59), Берналь (Араухо, 67), Фермин Лопес, Рафинья (Рэшфорд, 73), Торрес (Левандовски, 67), Ямал (Барджи, 73).

«Вильярреал»: Луис Жуниор, Кардона (Гонсалес, 80), Вейга, Наварро, Моуриньо, Молейро (Педраса, 67), Гуйе, Комесанья (Парехо, 80), Пепе (Олувасейи, 84), Микаутадзе, Перес (Бьюкенен, 67).

Огоҳлантиришлар: Берналь (53), Рафинья (56) — Педраса (68).