Ла Лиганинг 26-туридан ўрин олган "Вильярреал"га қарши учрашувда Ламин Ямал уч бор рақиб дарвозасини ишғол қилди (4:1).

"Барселона" вингери биринчи бўлимдаги иккита голини Фермин Лопеснинг узатмаларидан сўнг киритган бўлса, иккинчи бўлимда унга Педри ассистентлик қилди.

18 ёшли Ямал жорий мавсумда каталонияликлар сафида 34 та ўйинда иштирок этиб, ўз ҳисобига 18 та гол ва 12 та голли узатмани ёздириб қўйди.

Ламин сўнгги тўртта ўйиндан бери илк бор гол урди — у жамоанинг жорий мавсумдаги энг яхши тўпурари бўлиб турибди. Ферран Торрес эса барча турнирларда 16 та гол уришга муваффақ бўлган.