Лондоннинг "Арсенал" клуби ҳужумчиси Кай Хаверц жароҳатидан тўлиқ соғайди. 26 ёшли футболчи мушакларидаги муаммолар сабабли "канонирлар"нинг охирги тўртта ўйинини ўтказиб юборган эди.
HandofArsenal нашрининг маълумотларига кўра, Хаверц жароҳатини даволаб бўлган ва майдонга қайтишга тайёр. Бош мураббий Микель Артета германиялик футболчини "Челси"га қарши бўлиб ўтадиган баҳс қайдномасига киритишни режалаштирмоқда, бироқ якуний қарор ўйин бошланишига яқин қабул қилинади.
"Арсенал" учун уй учрашуви ҳисобланган "Челси"га қарши дерби бугун бўлиб ўтади ва ўйин Тошкент вақти билан 21:30да бошланади. Ҳозирда Артета жамоаси Премьер-лига турнир жадвалида "Манчестер Сити"ни икки очкога ортда қолдирган ҳолда пешқадамлик қилмоқда.













