"Бавария" бош мураббийи Венсан Компани Дортмунднинг "Боруссия" жамоасига қарши кечган Бундеслига ўйини ҳақида ўз фикрлари билан ўртоқлашди. Мюнхенликлар ўзларининг асосий таъқибчиси меҳмони бўлиб, ўйин давомида ҳисобда ортда бораётиб, якунда ғалабани (3:2) қўлга киритишди.
"Бугунги учрашув — Бундеслига учун ажойиб реклама бўлди. Шиддат, голлар ва трибуналардаги 80 минг томошабин — ҳаммаси ажойиб эди. "Боруссия" босим ўтказишга ҳаракат қилди, лекин биз шунчаки ҳимояда ўтириб, босимга чидаб берганимиз йўқ, балки ўз вазиятларимизни яратдик. Ҳар икки жамоа ҳам ҳужум қилишга интилди", — дея Компанининг интервьюсидан иқтибос келтиради Bayern & Germany.
Ушбу ғалабадан сўнг "Бавария" мавсум якунидан ўн тур олдин "Боруссия" билан орадаги фарқни 11 очкога етказди.
