"Манчестер Сити" бош мураббийи Хосеп Гвардиола Премьер-лига доирасида "Лидс"га қарши кечган ўйиндаги ғалабадан (1:0) сўнг ўз мулоҳазалари билан ўртоқлашди. Учрашувдаги ягона гол биринчи бўлим якунида Антуан Семеньо томонидан киритилди.
Ушбу натижадан сўнг "шаҳарликлар" турнир жадвалида пешқадамлик қилаётган "Арсенал" билан орадаги фарқни яна икки очкогача қисқартиришди.
"Биз жуда кўп узатмаларни амалга оширдик. Энг қийин сафар ўйинларидан бирини ғалаба билан якунлашга муваффақ бўлдик. Чемпионат якунигача ўнта ўйин қолди, шунинг учун ҳозир мана шундай ғалабаларнинг айни вақти", — деди Гвардиола BBCга берган интервьюсида.
Чоршанба куни, 4 март куни "Манчестер Сити" ўз майдонида "Ноттингем Форест" жамоасини қабул қилади.













