Майкл Кэррик "Манчестер Юнайтед" бош мураббийи вазифасини бажарувчи сифатида ўзини кўрсата олмоқда. Мутахассиснинг шартномаси жорий мавсум якунига қадар мўлжалланган ва ҳозирча "қизил иблислар" раҳбарияти ҳамкорликни давом эттиришга тайёрми ёки йўқ — номаълум.
The Sun Football нашрининг хабар беришича, футболчиларнинг позицияси аниқ: улар клуб инглиз мутахассисига узоқ муддатли шартнома таклиф қилишини исташмоқда. Манбанинг таъкидлашича, Кэррикнинг келиши жамоа учун "янги нафас" бўлди.
"Манчестер Юнайтед" амалдаги мураббий қўл остида олтита ўйиннинг бештасида ғалаба қозонди. Агар бугун манкунианликлар ўз майдонида "Кристал Пэлас"ни мағлуб эта олишса, Премьер-лига турнир жадвалида учинчи ўринга кўтарилиб олишади.
