Лондоннинг "Арсенал" клуби бош мураббийи Микель Артета Виктор Дьёкерешга "ҳавас қилишини" тан олди. Испаниялик мутахассис ҳазил аралаш швед ҳужумчисининг уйи ҳаддан ташқари ҳашаматли эканлигини айтди.

"Менинг ажойиб квартирам бор, лекин бу йигитнинг уйи дунёдаги энг катта қаср — унинг олдида менинг уйим даҳшатли кўринади! Мен у билан фахрланаман, лекин уйига борсам депрессияга тушиб қоламан. Ҳаммаси бунга қайси тарафдан қарашга боғлиқ", — деди Артета матбуот анжуманида кулиб.

Виктор Дьёкереш ўтган йилнинг ёзида Лиссабоннинг "Спортинг" клубидан "Арсенал"га ўтган эди. Бугун "канонирлар" ўз майдонида "Челси"га қарши ўйнайди. Дерби Тошкент вақти билан 21:30 да бошланиши режалаштирилган.