"Бавария" ҳужумчиси Харри Кейн Бундеслиганинг навбатдаги ўйинида дубль қайд этди — бу сафар Дортмунднинг "Боруссия" жамоаси бундан азият чекди. 32 ёшли футболчи учрашувнинг 54 ва 70-дақиқаларида рақиб дарвозасини ишғол қилди — бу у учун Германия чемпионатида кетма-кет тўртинчи ўйиндаги дубль бўлди.
Opta хабарига кўра, бу Бундеслига рекордининг такрорланишидир. Бунгача кетма-кет тўртта ўйинда икки ёки ундан ортиқ гол уришга фақат Лотар Эммерих (1967) ва Томислав Марич (2001) муваффақ бўлган эди.
Кейн ҳисобида Германия лигасининг жорий мавсумидаги 24 та ўйинда 30 та гол мавжуд. Ушбу серияси давомида у аввалроқ "Хоффенхайм", "Вердер" ва Франкфуртнинг "Айнтрахт" жамоаларини ҳам иккитадан гол билан "сийлаган" эди.
