"Челси" вингери Педру Нету ўзининг шахсий ва жамоавий мақсадлари ҳақида гапириб берди. "Кўклар" айни дамда Премьер-лига чемпионлиги учун курашмаётган бўлса-да, Чемпионлар лигаси ва Англия Кубогида иштирок этишни давом эттиришмоқда.
"Мен "Челси"га совринлар ютиш учун келганман. Бу ердаги биринчи мавсумим ажойиб ўтди — биз иккита кубокни қўлга киритдик. Ҳозир олдимизда узоқ йўл турибди, асосий курашлар ҳали олдинда. Кутишлар ва талаблар жуда юқори", — дея Нетунинг сўзларини келтиради "Челси" матбуот хизмати.
Эслатиб ўтамиз, ўтган мавсумда лондонликлар Конференция лигаси ва Клублар ўртасидаги жаҳон чемпионатида ғолиб чиқишган эди.
