"Chelsi" vingeri Pedru Netu o‘zining shaxsiy va jamoaviy maqsadlari haqida gapirib berdi. "Ko‘klar" ayni damda Premyer-liga chempionligi uchun kurashmayotgan bo‘lsa-da, Chempionlar ligasi va Angliya Kubogida ishtirok etishni davom ettirishmoqda.

"Men "Chelsi"ga sovrinlar yutish uchun kelganman. Bu yerdagi birinchi mavsumim ajoyib o‘tdi — biz ikkita kubokni qo‘lga kiritdik. Hozir oldimizda uzoq yo‘l turibdi, asosiy kurashlar hali oldinda. Kutishlar va talablar juda yuqori", — deya Netuning so‘zlarini keltiradi "Chelsi" matbuot xizmati.

Eslatib o‘tamiz, o‘tgan mavsumda londonliklar Konferensiya ligasi va Klublar o‘rtasidagi jahon chempionatida g‘olib chiqishgan edi.