"Барселона" дарвозабони Жоан Гарсия жамоанинг шанба куни Ла Лига доирасида "Вильярреал" устидан қозонилган ғалабасидан (4:1) сўнг ўз фикрларини билдирди. Каталонияликлар Ламин Ямалнинг хет-триги ва Роберт Левандовскининг голи эвазига зафар қучишди.
Сешанба куни, 3 март куни Ханс-Дитер Флик шогирдлари ўз майдонларида Испания Кубоги ярим финалининг жавоб учрашувида "Атлетико"ни қабул қилишади. Эслатиб ўтамиз, Мадриддаги дастлабки баҳсда "кўк-анорранглилар" 0:4 ҳисобида имкониятни бой беришган эди.
"Ўз уйимиздаги ажойиб ғалаба. Энди сешанба кунги ўйинга тайёргарлик кўриш вақти келди. Бизга сизнинг қўллаб-қувватлашингиз жуда зарур!", – деб ёзди Гарсия ижтимоий тармоқларда "Барселона" мухлисларига қарата.
Кубок доирасидаги ушбу тўқнашув Тошкент вақти билан тунги соат 01:00 да бошланади.
