"Бавария" ҳужумчиси Харри Кейн навбатдаги бор Роберт Левандовскининг рекорди ҳақидаги саволга жавоб берди.
Польшалик футболчи 2020/21 йилги мавсумда мюнхенликлар сафида Бундеслигада 41 та гол урган эди. Шанба куни Кейн Дортмунднинг "Боруссия" жамоасига қарши баҳсда дубль қайд этди — эндиликда унинг ҳисобида чемпионат якунишига ўнта тур қолганда 30 та гол мавжуд.
"Биламан, ҳар бир ўйиндан кейин мендан Левандовскининг рекорди ҳақида сўрашади, аммо олдинда ҳали ўйинлар кўп. Барқарорликни сақлаб қолиш лозим. Апрель ойи охирида бунинг қанчалик имкони борлигини кўриб оламиз", — деди 32 ёшли инглиз футболчиси ўз интервьюсида.
"Бавария" Дортмунда "Боруссия"ни 3:2 ҳисобида мағлуб этди. Венсан Компани шогирдлари турнир жадвалида "арилар" билан орадаги фарқни 11 очкога етказиб олишди.
