Ҳужумчи Винисиус Жуниор катта эҳтимол билан "Реал"даги фаолиятини давом эттиради.
"Diario AS" нашри берган маълумотларга кўра, бразилиялик футболчи Мадрид клуби билан шартномани узайтириш бўйича тўғридан-тўғри музокаралар олиб бормоқда. Эндиликда форвард ўзини жамоанинг жуда муҳим ўйинчиси сифатида ҳис қилмоқда ва клубда бахтли. Аввалроқ Винисиус Хаби Алонсонинг ишидан норози эди. Бироқ Альваро Арбелоа томонидан кўрсатилган қўллаб-қувватлаш бу масалада ҳал қилувчи рол ўйнади.
Винисиус Жуниор 2018 йилда "Фламенго"дан "Реал"га 45 миллион евро эвазига ўтган эди. Унинг амалдаги шартномаси 2027 йилнинг 30 июнига қадар мўлжалланган. Жорий мавсумда ҳужумчи Мадрид клуби сафида барча турнирларда 37 та ўйин ўтказиб, 13 та гол урди ва 11 та голли узатмани амалга оширди.
