Германия чемпионатининг 24-тури марказий баҳсида Дортмунднинг "Боруссия" жамоаси Мюнхеннинг "Бавария" клубидан 2:3 ҳисобида мағлубиятга учради. "Арилар" устози Нико Ковач ушбу натижа борасида ўз фикрлари билан ўртоқлашди.
"Чемпионлар лигасидан чиқиб кетганимиздан сўнг, жамоа яхши ўйин кўрсатди. Биз характер намойиш этдик, футболчилар мақтовга лойиқ. Агар омад биз томонда бўлганида, дурангга умид қилишимиз мумкин эди. Аммо якунда рақиб ўйинчиларининг маҳорати учрашув тақдирини ҳал қилди", — дея мутахассиснинг сўзларини келтиради клуб матбуот хизмати.
Ушбу ғалаба туфайли "Бавария" "Боруссия" билан орадаги фарқни 11 очкога етказиб олди.
