Ламин Ямал шанба куни фаолиятидаги илк хет-трикни қайд этди. 18 ёшли вингер "Вильярреал" дарвозасига уч бор йўл топди ва "Барселона" 4:1 ҳисобида ғалаба қозонди. Ўйиндан сўнг Ямал эндиликда пубалгиядан (қовуқ соҳасидаги оғриқлар) азият чекмаётганини маълум қилди — футболчи маълум вақт давомида шу соҳадаги муаммолар билан ўйнаб келган эди.
"Мен пубалгия туфайли юзага келаётган ноқулайликни ҳис қилишни бутунлай тўхтатдим. Бир неча ой давомида майдонда менга қийин бўлди. Ўзимни энг яхши ҳолатда ҳис қилмаётгандим. Гап фақат пубалгияда эмас эди. Мен бахтли эмасдим. Ҳозир эса яна футболдан завқ олмоқдаман", — дея Ямалнинг сўзларини келтиради "The Touchline".
"Барселона" навбатдаги ўйинини 3 март куни Испания Кубоги доирасида "Камп Ноу"да "Атлетико"га қарши ўтказади.
