«Ливерпуль» клубининг аргентиналик ярим ҳимоячиси Алексис Мак Аллистер гол уришни яхши кўришини тан олди.
«Жарима майдончаси ичида пайдо бўлиш ва гол уриш менга жуда ёқади. Баъзан бу амалга ошади, баъзан эса йўқ... Мен хурсандман, чунки жамоамга ёрдам бериш билан бирга ўз кучимга бўлган ишончни ҳам ошириб боряпман», — дея Мак Аллистернинг сўзларини келтиради «The Touchline».
Англия Премьер-лигасининг 28-туридан ўрин олган баҳсда «Ливерпуль» ўз майдонида «Вест Хэм»ни 5:2 ҳисобида мағлубиятга учратди. Аргентиналик футболчи майдонда тўлиқ 90 дақиқа ҳаракат қилди ва мерсисайдликларнинг голларидан бирига муаллифлик қилди.
27 ёшли Мак Аллистер жорий мавсумда жами 39 та учрашувда майдонга тушиб, ўз ҳисобига бешта гол ва тўртта голли узатмани ёздириб қўйди.
