«Ювентус» жамоа ярим ҳимоячиси Мануэль Локателлини ўз таркибида сақлаб қолмоқчи.
«Tuttosport» нашрининг хабарига кўра, Турин клуби футболчи билан шартномани узайтиришга яқин турибди. Янги келишув 2030 йилнинг 30 июнига қадар мўлжалланади. Ўйинчининг йиллик иш ҳақи тўрт миллион еврогача кўтарилади. Шу тариқа, «Ювентус» ярим ҳимоячига жорий мавсумдаги ўйинлари учун ўз миннатдорчилигини билдирмоқчи.
Мануэль Локателли 2023 йилда «Сассуоло»дан «Ювентус»га 36 миллион евро эвазига ўтган эди. Унинг амалдаги шартномаси 2028 йилнинг 30 июнигача мўлжалланган. Жорий мавсумда ярим ҳимоячи Турин клуби сафида 36 та ўйин ўтказиб, 3 та гол урди ва битта голли узатмани амалга оширди.
