"Барселона" ҳимоячиси Эрик Гарсия "Вильярреал" устидан қозонилган ишончли ғалабадан сўнг ўз фикрлари билан ўртоқлашди. Испания чемпионатининг 26-туридан ўрин олган баҳс 4:1 ҳисобида каталонияликлар фойдасига ҳал бўлди.
— Бу ўйин "Барселона" учун яхши синов бўлди. У Мадриднинг "Атлетико" жамоасига қарши баҳсда вазиятни ўнглай олишимизни кўрсатиб берди, — дея Гарсиянинг сўзларини келтиради Barça Universal.
Эслатиб ўтамиз, Испания Кубоги ярим финалининг дастлабки учрашувида "Барселона" "Атлетико"дан 0:4 ҳисобида қақшатқич мағлубиятга учраган эди. Жавоб баҳси жума куни, 3 март санасида бўлиб ўтади. Учрашув Тошкент вақти билан тунги соат 01:00 да (чоршанбага ўтар кечаси) бошланиши режалаштирилган.
