Ҳозирда ижара асосида Каталониянинг "Барселона" жамоасида тўп сураётган "Манчестер Юнайтед" ҳужумчиси Маркус Рэшфорд "кўк-анорранглилар"нинг тўлақонли аъзосига айланади.
Sport.es журналистларининг хабар беришича, инглиз футболчиси Испания чемпиони билан уч йиллик меҳнат шартномасини имзолаш борасида келишувга эришган. Рэшфорднинг трансфери Каталония грандига 30 миллион еврога тушади.
Жорий мавсумда 28 ёшли форвард Каталония жамоаси сафида 22 та учрашувда майдонга тушди. Ҳужумчи ўз ҳисобига тўртта гол ва олтита голли узатмани ёздириб қўйди. Томонлар ўртасидаги ижара шартномаси мавсум якунида ниҳоясига етади.
