"Манчестер Юнайтед" Англия Премьер-лигаси турнир жадвалида учинчи ўринга кўтарилиб олди. Майкл Кэррик жамоаси шанба куни ўз майдонида "Кристал Пэлас" устидан 2:1 ҳисобида иродали ғалабага эришди.
Ўйиндан сўнг Кэррикдан жамоасининг Англия чемпионати жадвалида кучли учликка кирганига изоҳ беришини сўрашди.
"Ҳозир бу катта аҳамиятга эга эмас. Лекин бу ёқимли. Биз ўсишда давом этишни истаймиз", — деди Кэррик "BBC Match of the Day" нашрига.
Энди Майкл Кэррик "Манчестер Юнайтед"ни Англия чемпионати доирасидаги "Ньюкасл"га қарши сафар ўйинига тайёрлайди. Жамоалар чоршанба куни, 4 март санасида ўзаро тўқнаш келишади, учрашув Тошкент вақти билан тунги соат 01:15 да бошланади.
