ФИФА президенти Жанни Инфантино рақиблари билан тўқнашув пайтида оғзини қўли билан ёпиб гапирадиган футболчиларни майдондан четлатишни зарур деб ҳисоблайди.
«Агар ўйинчи оғзини ёпиб, ирқчилик мазмунидаги бирон бир гап айтса, у шубҳасиз майдондан ҳайдалиши керак. У айтиш мумкин бўлмаган гапни айтган деб тахмин қилиш лозим, акс ҳолда оғзини ёпишига ҳожат қолмасди», — дея Инфантинонинг сўзларидан иқтибос келтирмоқда «Sky News».
ФИФА раҳбарининг фикрича, бу каби чоралар спортдаги ирқчиликка қарши курашга жиддий ёндашилаётганининг кўрсаткичи бўлади. Шунингдек, у хатога йўл қўйган футболчиларга узр сўраш имкониятини ҳам бериш кераклигини таъкидлади.
«Ғазаб устида инсон кейинчалик пушаймон бўладиган ишларни қилиб қўйиши мумкин. Бундай ҳолларда санкция бошқачароқ бўлиши лозим. Биз олдинга қадам ташлашимиз ва эҳтимол, бу ҳақда ҳам ўйлаб кўришимиз керак», — дея қўшимча қилди Инфантино.
