"Арсенал" Премьер-лига турнир жадвалида "Манчестер Сити" билан орадаги фарқни яна беш очкогача оширди.
Мураббий Микель Артета шогирдлари ўз майдонида кечган Лондон дербисида "Челси"ни мағлуб этишди (2:1). Айни дамда "Арсенал" 64 очко жамғарган бўлиб, улар кучли олтиликдаги барча клублардан битта кўп ўйин ўтказишган. Бунга қадар "канонирлар" 31-турнинг қолдирилган баҳсида "Вулверхэмптон" билан дуранг (2:2) ўйнашган эди. Иккинчи ўринда бораётган ва пешқадамдан 5 очко орқада қолаётган "Манчестер Сити" 31-тур доирасидаги "Кристал Пэлас"га қарши учрашувини кечроқ ўтказади.
Турнир жадвалининг учинчи поғонасини "Манчестер Юнайтед" (51 очко) эгаллаб турибди. Кейинги ўринлардан "Астон Вилла" (51), "Ливерпуль" (48) ва "Челси" (45) жой олган.
АПЛ Турнир Жадвали (Кучли ўнлик)
| № | Жамоа | Ўйин | Ғ | Д | М | Очко | Очко % |
| 1 | Арсенал | 29 | 19 | 7 | 3 | 64 | 73.6% |
| 2 | Манчестер Сити | 28 | 18 | 5 | 5 | 59 | 70.2% |
| 3 | Манчестер Юнайтед | 28 | 14 | 9 | 5 | 51 | 60.7% |
| 4 | Астон Вилла | 28 | 15 | 6 | 7 | 51 | 60.7% |
| 5 | Ливерпуль | 28 | 14 | 6 | 8 | 48 | 57.1% |
| 6 | Челси | 28 | 12 | 9 | 7 | 45 | 53.6% |
| 7 | Брентфорд | 28 | 13 | 4 | 11 | 43 | 51.2% |
| 8 | Эвертон | 28 | 11 | 7 | 10 | 40 | 47.6% |
| 9 | Фулхэм | 28 | 12 | 4 | 12 | 40 | 47.6% |
| 10 | Борнмут | 28 | 9 | 12 | 7 | 39 | 46.4% |
