"Арсенал" марказий ҳимоячиси Вильям Салиба Лондон дербиси доирасида кечган "Челси"га қарши баҳсда (2:1) жамоасига ғалаба қозонишда ёрдам берди.
Франциялик футболчи учрашувнинг 21-дақиқасида ҳисобни очди. Танаффусга оз вақт қолганда меҳмонлар автогол эвазига мувозанатни тиклашди, бироқ иккинчи бўлимда Юррьен Тимбернинг ҳаракатлари билан "канонирлар" яна олдинга чиқиб олишди. Қолган вақт давомида томошабинлар бошқа гол кўришмади.
"Тўғри йўналишдаги яна бир қадам", — деб ёзди Салиба ижтимоий тармоқлардаги саҳифасида ўз голини нишонлаётган фотосуратини илова қилган ҳолда.
Айни дамда "Арсенал" Премьер-лига турнир жадвалида "Манчестер Сити"дан беш очко олдинда бормоқда. Шу билан бирга, Микель Артета жамоаси 29 та ўйин ўтказган бўлса, "шаҳарликлар" ҳисобида 28 та ўйин мавжуд.
