«Лион» ҳужумчиси Эндрик жамоа сафидаги 8 та ўйинда 9 очко (гол+пас) жамғаришга муваффақ бўлди.

«Реал Мадрид»дан мавсум якунига қадар ижарага олинган 19 ёшли бразилиялик футболчи Лига 1нинг 24-туридан ўрин олган «Марсель»га қарши баҳсда Корантен Толиссога голли узатма етказиб берди. Шунингдек, у иккинчи бўлимда Реми Имбернинг голига ҳам ассистентлик қилди (2:3).

Эндиликда Эндрикнинг «Лион» сафидаги 8 та ўйиндан иборат кўрсаткичи қуйидагича кўриниш олди: 5 та гол (1 таси пенальтидан), 4 та голли узатма, 2 та сариқ ва 1 та қизил карточка.