«Ньюкасл» қанот ҳимоячиси Тино Ливраменто фаолиятини «Манчестер Сити»да давом эттириши мумкин. Бу ҳақда TEAMtalk нашри хабар бермоқда.
Манбанинг маълумотларига кўра, «шаҳарликлар» 23 ёшли футболчининг трансфери учун тахминан 80 миллион евро ажратишга тайёр. Қайд этилишича, «Ньюкасл» футболчи билан шартномани узайтириш бўйича музокараларда ижобий натижага эриша олмаган.
Ливраменто 2023 йилдан бери «Ньюкасл» шарафини ҳимоя қилиб келмоқда. Жорий мавсумда ҳимоячи барча мусобақаларда 19 та ўйинда иштирок этди ва битта голли узатмани амалга оширди. Унинг клуб билан амалдаги шартномаси 2028 йилгача мўлжалланган. Transfermarkt мутахассислари футболчининг қийматини 40 миллион еврога баҳоламоқда.
