Европа футбол ассоциациялари иттифоқи (УЕФА) Интизомий қўмитаси Англиянинг "Тоттенхэм" клубини Чемпионлар лигаси умумий босқичининг 8-туридан ўрин олган Германиянинг "Айнтрахт" жамоасига қарши ўйинда ишқибозларнинг дискриминацион хулқ-атвори учун 30 минг евро миқдорида жаримага тортишга қарор қилди. Учрашув 28 январь куни Франкфурт-майнида бўлиб ўтган ва "Тоттенхэм"нинг 2:0 ҳисобидаги ғалабаси билан якунланган эди.
BBC берган маълумотларга кўра, ўйин давомида "Тоттенхэм"нинг уч нафар ишқибози нацистча салом бериш ҳаракатларини амалга оширган. Жаримадан ташқари, клубга УЕФА шафелигидаги навбатдаги сафар ўйини учун ўз мухлисларига чипта сотиш шартли равишда тақиқланди. Ушбу тақиқ учун синов муддати қарор қабул қилинган санадан бошлаб бир йилни ташкил этади. Шунингдек, "Тоттенхэм" майдонга буюмлар отилгани учун қўшимча 2,25 минг евро миқдорида жаримага тортилди.
