Италиянинг «Ювентус» клуби 28 ёшли нидерландиялик ярим ҳимоячи Тен Копмейнерсни сотиб юбориши мумкин. Бу ҳақда Tuttosport нашри хабар бермоқда.
Манбаларнинг маълумотига кўра, туринликлар футболчи учун камида 26 миллион евро олмоқчи. Аввалроқ, ярим ҳимоячига «Рома» ва «Галатасарой» клублари даъвогарлик қилаётгани ҳақида хабар берилган эди.
Тен Копмейнерс 2024 йилда «Аталанта»дан ўтгандан буён «Ювентус»да тўп суриб келмоқда. Жорий мавсумда нидерландиялик футболчи «кекса синьора» сафида 36 та ўйинда майдонга тушиб, 2 та гол урди ва 1 та голли узатмани амалга оширди.
