«Фламенго» бош мураббийи Филипе Луис истеъфога чиқарилди, бу ҳақда Globo журналистлари хабар бермоқда. Бу воқеа «қизил-қоралар»нинг «Мадурейра» устидан 8:0 ҳисобида қозонилган ғалабасидан сўнг юз берди.
Манбанинг қайд этишича, томонлар ҳамкорликни тўхтатиш бўйича қарорни ўйин бошланишидан олдин қабул қилишган. Филипе Бразилия жамоаси устози лавозимини 2024 йилдан бери эгаллаб келаётган эди.
Футболчилик фаолияти давомида Луис Лондоннинг «Челси» ва Мадриднинг «Атлетико» клубларидаги иштироки билан ажралиб турган. У Испания ва Англия чемпиони, шунингдек, Европа Лигаси ғолиби бўлган.
Бразилия терма жамоаси таркибида Филипе 44 та учрашув ўтказиб, 2 та гол уришга муваффақ бўлган.
