Жорий мавсумда "Челси" интизом борасида жиддий муаммоларга дуч келмоқда. 28 та ўйинда еттита қизил карточка — бу мавсумда ҳали ҳеч қайси жамоа бунчалик кўп четлатиш олмаган. "Кўклар" бош мураббийи Лиам Росеньор бу муаммони қандай ҳал қилишни билади.
Лондон жамоаси устози эндиликда таркибни футболчиларнинг интизомига қараб танлашини айтди, чунки тез-тез содир бўлаётган четлатишлар мутлақо қабул қилиниши мумкин бўлмаган ҳолатдир.
"Ҳар икки ёки уч ўйинда кимдир қизил карточка оладиган мавсумни ўтказишга ҳаққим йўқ — бунга тоқат қилиб бўлмайди. Мен бу борада ижобий ўзгаришларни кўришим керак. Таркибни шакллантиришда ким зарур сифатларни намойиш этаётганини ҳисобга олишим лозим.
Рақибга нисбатан ҳурматсизлик ҳақида гапиришмоқда, лекин бизда фоллар учун маъносиз огоҳлантиришлар ҳам бўлди. Агар биз ривожланишни ва ўз мақсадларимизга эришишни истасак, ҳозир онгли равишда қадам ташлашимиз ва бундай ҳолат бошқа такрорланмаслигига ишонч ҳосил қилишимиз керак", — деди Росеньор.
Эслатиб ўтамиз, "Арсенал"га қарши ўйинда Педру Нету тезкорлик билан иккита огоҳлантириш олиб, майдондан четлатилган эди. Бу ҳолат ўйиндан сўнг Росеньорнинг ғазабини қўзитиб юборди.
