MLS клублари шу ёздаёқ "Барселона" ҳужумчиси Роберт Левандовскини эркин агент мақомида ўз сафига қўшиб олишга қизиқиш билдирмоқда.

Инсайдер Фабрицио Романо берган маълумотларга кўра, MLS жамоалари вакиллари эҳтимолий трансфер борасида польшалик ҳужумчи билан "аллақачон боғланишмоқда". Шу билан бирга, унинг каталонияликлар лагеридаги келажаги "очиқ"лигича қолмоқда, чунки амалдаги шартнома яқин ойларда ўз ниҳоясига етади.

37 ёшли Левандовски деярли тўрт йилдан бери "Барселона" шарафини ҳимоя қилиб келмоқда. Ушбу давр мобайнида у 179 та учрашувда майдонга тушиб, 115 та гол урди ва 23 та голли узатмани амалга оширди.

Шу тариқа, агар томонлар Испания гранди билан шартномани узайтириш бўйича келишувга эриша олмасалар, сўнгги йилларнинг энг сермаҳсул ҳужумчиларидан бири фаолиятини АҚШда давом эттириши истисно этилмайди.