Бразилиянинг "Фламенго" клуби сўнгги ўйинда 8:0 ҳисобида ғалаба қозонган мураббий Филипе Луисни истеъфога чиқариши билан, унга аллақачон ўринбосар топилди. Бу ҳақда Globo хабар бермоқда.

Манба берган маълумотларга кўра, мамлакатнинг саккиз карра чемпионлари бошқарувини португалиялик мутахассис Леонарду Жардим ўз қўлига олади. Дастлабки маълумотларга кўра, шартнома 2027 йил якунига қадар амал қилади. Клуб ва мураббий штаби шартнома тафсилотларини ҳали аввалги мураббий истеъфо ҳақида огоҳлантирилмасидан олдинроқ келишиб бўлишган.

Жардим фаолияти давомида "Олимпиакос", Лиссабоннинг "Спортинг", "Монако" ва бошқа бир қатор клубларни бошқарган. Унинг сўнгги иш жойи Бразилиянинг "Крузейро" клуби бўлган ва у ерни 2025 йилда тарк этган эди.