Аввалроқ "Манчестер Юнайтед" клуби "Ньюкасл" аъзоси Малик Тиавнинг хизматларига қизиқиш билдираётгани ҳақида маълум бўлган эди.
"Қизил иблислар" ҳимоячининг трансферини ёзда амалга ошириш имкониятини кўриб чиқмоқдалар. Инсайдер Экрем Конур манкунианликларнинг Тиав учун курашдаги рақобатчилари кимлигини очиқлади. Футболчини, шунингдек, "Ливерпуль" ва "Бавария" клублари ҳам ўз сафига қўшиб олмоқчи.
Жорий мавсумда Малик Тиав "Ньюкасл" таркибида 41 та ўйинда майдонга тушди. Ушбу учрашувларда ҳимоячи бешта гол урди ва битта голли узатмани амалга оширди.













