"Манчестер Юнайтед" бош мураббийи Майкл Кэррик ўз жамоаси футболчиларини мақтади.

Яқинда "Кристал Пэлас" устидан қозонилган ғалабадан сўнг манкунианликлар Англия Премьер-лигаси турнир жадвалида учинчи ўринга кўтарилиб олишди. Айни дамда "қизил иблислар" ҳисобида 28 турдан сўнг 51 очко мавжуд.

"Иқтидор ва қобилият борасида йигитлар нималарга қодир эканликларини кўрсата олишди. Яхши фазилатлар, тўғри хулқ-атвор ва бир-бирларига бўлган ғамхўрлик — мен ўйинчиларни мақтамасдан иложим йўқ", — дея Кэррикнинг сўзларидан иқтибос келтирмоқда Goal нашри.

Англия чемпионати доирасидаги навбатдаги учрашувни "Манчестер Юнайтед" сафарда "Ньюкасл"га қарши ўтказади. Ўйин 4 март кунига режалаштирилган.