Лондоннинг "Арсенал" клубининг франциялик бош мураббийи Арсен Венгер трансфер ойнаси ёпилгунга қадар жамоада бир қатор янги футболчилар пайдо бўлишини кутаётгани ҳақида гапириб ўтди.
"Трансфер ойнаси ёпилгунча бизда ҳали 18 кун бор. Биз учун энг асосийси янги ўйинчиларнинг қандай даражадаги ўйин кўрсатиши. "Манчестер Сити" билан ўртоқлик учрашувини яхши ўтказдик. Шунинг учун саросимага берилишга ҳожат йўқ. "МЮ" ва "Челси"га қаранглар. Улар ҳам айтарли янги ўйинчи ҳарид қилганлари йўқ.
Гап пулда эмас, ўйинчиларнинг савиясида. "Арсенал"ни нечта ҳарид кутаётгани борасида бир нима дея олмайман, аммо тез орада икки-уч нафар янги ўйинчи сафимизга келиб қўшилади", деди Венгер Reuters мухбири билан суҳбатда.
