Мадриднинг «Атлетико» клуби «Барселона»дан жавобсиз учта тўп ўтказиб юборган бўлса-да, Испания Кубоги финалига йўл олди.
Қарама-қаршилик тақдирини Диего Симеоне жамоасининг февраль ойида ўз уйида қўлга киритган йирик ғалабаси (4:0) ҳал қилди.
«Бугун шундай бўлиши мумкинлигини билардик, чунки «Барса» — дунёнинг энг кучли жамоаларидан бири. Ҳа, биз мағлуб бўлдик, лекин ҳимояда ажойиб иш бажардик ва кейинги босқичга ўтдик, бундан жуда хурсандмиз», — деди Баэна журналистлар билан суҳбатда.
Финалда «матрасчилар» «Реал Сосьедад» ёки Бильбаонинг «Атлетик» жамоаси билан тўқнаш келишади. Ушбу жамоалар чоршанба куни ўзаро баҳс олиб боришади (дастлабки ўйин — 1:0).
