Madridning «Atletiko» klubi «Barselona»dan javobsiz uchta to‘p o‘tkazib yuborgan bo‘lsa-da, Ispaniya Kubogi finaliga yo‘l oldi.

Qarama-qarshilik taqdirini Diyego Simeone jamoasining fevral oyida o‘z uyida qo‘lga kiritgan yirik g‘alabasi (4:0) hal qildi.

«Bugun shunday bo‘lishi mumkinligini bilardik, chunki «Barsa» — dunyoning eng kuchli jamoalaridan biri. Ha, biz mag‘lub bo‘ldik, lekin himoyada ajoyib ish bajardik va keyingi bosqichga o‘tdik, bundan juda xursandmiz», — dedi Baena jurnalistlar bilan suhbatda.

Finalda «matraschilar» «Real Sosyedad» yoki Bilbaoning «Atletik» jamoasi bilan to‘qnash kelishadi. Ushbu jamoalar chorshanba kuni o‘zaro bahs olib borishadi (dastlabki o‘yin — 1:0).