Бразилия терма жамоаси бош мураббийи Карло Анчелотти Мадриднинг «Реал» клуби ҳужумчиси Родригонинг оғир жароҳат олгани ҳақидаги хабарга муносабат билдирди.
25 ёшли футболчи тиззасидаги хочсимон бойламлар узилиши сабабли сафдан чиқди. Бразилиялик футболчи шу йилнинг ёзида бўлиб ўтадиган Жаҳон чемпионатигача тикланишга улгурмайди.
«Токи сен сафга қайтгунингча, тикланишнинг ҳар бир босқичида сени қўллаб-қувватлаймиз. Кучли бўл, Родриго», — деб ёзди Анчелотти ижтимоий тармоқлардаги саҳифасида.
Италиялик мутахассис ўтган йилнинг ёзи бошида Бразилия миллий терма жамоасини бошқаришга киришган эди. Бунгача у тўрт йил давомида «Реал»да Родриго билан бирга ишлаган.
