"Тоттенхэм"нинг 24 ёшли нидерландиялик ҳимоячиси Мики ван де Вен клубнинг янги шартнома борасидаги таклифини рад этди. Бу ҳақда Sports Boom нашри ёзмоқда.
Манбаларнинг маълумотига кўра, нидерландиялик футболчи бундай қарорни топ-клублар томонидан бўлаётган қизиқишлар фонида қабул қилган. Хусусан, ОАВда "Реал" ва "Барселона" ван де Вен билан шартнома имзолаш истагида экани таъкидланмоқда. "Шпорлар" футболчи учун 100 миллион фунт олишни кўзлашмоқда ва бу масалада ён беришмоқчи эмас. Ҳимоячининг "Тоттенхэм" билан амалдаги шартномаси 2029 йил ёзигача мўлжалланган.
Ван де Вен 2023 йилда "Вольфсбург"дан ўтганидан бери "шпорлар" шарафини ҳимоя қилиб келмоқда. Ушбу мавсумда у клуб сафида 33 та ўйин ўтказиб, 6 та гол урди ва 1 та голли узатмани амалга оширди.
