Мадриднинг "Реал" клуби ҳужумчиси Криштиану Роналду "қироллик клуби" билан янги шартномасига қўл қўйишга яқин турибди. Бу ҳақда унинг ўзи қуйидагича фикр билдирган.
"Шартномамни узайтириш ҳозир мени ҳаяжонга солмаяпти. Бунгача ҳали икки йил вақтим бор. Бундай нарсалар табиий равишда ё эрта ё кеч аъён бўлиб қолади.
Клубда ишларим яхши кетяпти. Шартнома билан боғлиқ вазият эса менга ҳалақит қилаётгани йўқ. Ахир бу билан ҳаёт тугаб қолмайдику", деди Роналду Goal.com сайтига берган интервьюсида.
Эслатиб ўтамиз, португалиялик ҳимоячи мадридликлар сафига 2009 йил ёзида келиб қўшилган бўлиб, унинг трансфер суммаси жаҳон рекордини ташкил этганди - 93,4 миллион евро. Ҳозирга қадар Роналду "Реал" сафида 135 ўйинда майдонга тушган бўлиб, уларда урган голлари сони 146тани ташкил этмоқда.
