Майкл Кэррик мавсум якунига қадар "Манчестер Юнайтед" билан ишлайди, шундан сўнг клуб мураббий борасида бир қарорга келади. Transfer News Live нашрининг TEAMtalk-га таяниб хабар беришича, Юлиан Нагельсманн "Олд Траффорд"даги бош мураббийлик лавозимига қизиқиш билдирмоқда. Шунга қарамай, клуб ичидаги манбалар германиялик мутахассиснинг бу ишни олиши имкониятларини паст деб ҳисоблашмоқда.
Ҳозирда Юлиан Нагельсманн Германия терма жамоасини Жаҳон чемпионатидаги иштирокка тайёрламоқда. Мундиалнинг гуруҳ босқичида "Бундестим"га Кюрасао, Кот-д’Ивуар ва Эквадор терма жамоалари рақиблик қилади.
"Манчестер Юнайтед" айни дамда Премьер-лига турнир жадвалида учинчи ўринни эгаллаб турибди.













