Англия Премьер-лигасининг 29-тури доирасида кечган баҳсда «Манчестер Сити» ўз майдонида «Ноттингем Форест» билан дуранг ўйнади — 2:2.
Мезбонлар сафида Антуан Семеньо ва Родри ўз номини таблога ёздириб қўйган бўлса, меҳмонлардан Морган Гиббс-Уайт ҳамда Эллиотт Андерсон гол муаллифига айланишди.
Ҳамюртимиз Абдуқодир Ҳусанов 77-дақиқада майдонга тушиб, «шаҳарликлар» таркибидаги навбатдаги учрашувини ўтказди.
Ушбу натижа билан «Манчестер Сити» Англия чемпионатидаги 4 та ўйиндан иборат ғалабали сериясини тўхтатди. Жамоа АПЛ турнир жадвалида 60 очко билан иккинчи ўринни эгаллаб турибди. «Ноттингем Форест» эса 28 очко билан 17-поғонада бормоқда.
Англия Премьер-лигаси. 29-тур
05.03.2026 | 00:30
«Этихад», Манчестер
«МАНЧЕСТЕР СИТИ» — «НОТТИНГЕМ ФОРЕСТ» — 2:2
Голлар: Антуан Семеньо 31’ (1:0), Морган Гиббс-Уайт 56’ (1:1), Родри 62’ (2:1), Эллиот Андерсон 76’ (2:2).
«Манчестер Сити»: Доннарумма, Рубен Диаш, Гехи, Аит Нури (Абдуқодир Ҳусанов, 77), Матеус Нунес, Родри, Бернарду Силва, Фоден (Доку, 77), Шерки (Савио, 82), Холанн, Семеньо.
«Ноттингем Форест»: Селс, Миленкович, Мурильо, Кунья, Сангаре, Андерсон, Уильямс (Морату, 90), Айна, Гиббс-Уайт (Йейтс, 90), Домингес (Хадсон-Одои, 63), Игор Жезус (Авонийи, 79).
Огоҳлантиришлар: Сангаре (45), Мурильо (60), Миленкович (63), Селс (90).
